Warning: mysqli_query(): (HY000/1021): Disk full (/tmp/#sql_1dfd_0.MAI); waiting for someone to free some space... (errno: 28 "No space left on device") in /home/netzahm/xn--8dbjj4a3a.co.il/wp-includes/wp-db.php on line 2030

Warning: mysqli_query(): (HY000/1021): Disk full (/tmp/#sql_1dfd_0.MAI); waiting for someone to free some space... (errno: 28 "No space left on device") in /home/netzahm/xn--8dbjj4a3a.co.il/wp-includes/wp-db.php on line 2030

Warning: mysqli_query(): (HY000/1021): Disk full (/tmp/#sql_1dfd_0.MAI); waiting for someone to free some space... (errno: 28 "No space left on device") in /home/netzahm/xn--8dbjj4a3a.co.il/wp-includes/wp-db.php on line 2030
תהילים סב - תפילה
בית תהילים סב

תהילים סב

ע"י admin

תהילים פרק-סב

{א} לַמְנַצֵּחַ עַל יְדוּתוּן מִזְמוֹר לְדָוִד: {ב} אַךְ אֶל אֱלֹהִים דּוּמִיָּה נַפְשִׁי מִמֶּנּוּ יְשׁוּעָתִי: {ג} אַךְ הוּא צוּרִי וִישׁוּעָתִי מִשְׂגַּבִּי לֹא אֶמּוֹט רַבָּה: {ד} עַד אָנָה תְּהוֹתְתוּ עַל אִישׁ תְּרָצְּחוּ כֻלְּכֶם כְּקִיר נָטוּי גָּדֵר הַדְּחוּיָה: {ה} אַךְ מִשְּׂאֵתוֹ יָעֲצוּ לְהַדִּיחַ יִרְצוּ כָזָב בְּפִיו יְבָרֵכוּ וּבְקִרְבָּם יְקַלְלוּ סֶלָה: {ו} אַךְ לֵאלֹהִים דּוֹמִּי נַפְשִׁי כִּי מִמֶּנּוּ תִּקְוָתִי: {ז} אַךְ הוּא צוּרִי וִישׁוּעָתִי מִשְׂגַּבִּי לֹא אֶמּוֹט: {ח} עַל אֱלֹהִים יִשְׁעִי וּכְבוֹדִי צוּר עֻזִּי מַחְסִי בֵּאלֹהִים: {ט} בִּטְחוּ בוֹ בְכָל עֵת עָם שִׁפְכוּ לְפָנָיו לְבַבְכֶם אֱלֹהִים מַחֲסֶה לָּנוּ סֶלָה: {י} אַךְ הֶבֶל בְּנֵי אָדָם כָּזָב בְּנֵי אִישׁ בְּמֹאזְנַיִם לַעֲלוֹת הֵמָּה מֵהֶבֶל יָחַד: {יא} אַל תִּבְטְחוּ בְעֹשֶׁק וּבְגָזֵל אַל תֶּהְבָּלוּ חַיִל כִּי יָנוּב אַל תָּשִׁיתוּ לֵב: {יב} אַחַת דִּבֶּר אֱלֹהִים שְׁתַּיִם זוּ שָׁמָעְתִּי כִּי עֹז לֵאלֹהִים: {יג} וּלְךָ אֲדֹנָי חָסֶד כִּי אַתָּה תְשַׁלֵּם לְאִישׁ כְּמַעֲשֵׂהוּ: (פ)