Warning: mysqli_query(): (HY000/1021): Disk full (/tmp/#sql_1dfd_0.MAI); waiting for someone to free some space... (errno: 28 "No space left on device") in /home/netzahm/xn--8dbjj4a3a.co.il/wp-includes/wp-db.php on line 2030

Warning: mysqli_query(): (HY000/1021): Disk full (/tmp/#sql_1dfd_0.MAI); waiting for someone to free some space... (errno: 28 "No space left on device") in /home/netzahm/xn--8dbjj4a3a.co.il/wp-includes/wp-db.php on line 2030

Warning: mysqli_query(): (HY000/1021): Disk full (/tmp/#sql_1dfd_0.MAI); waiting for someone to free some space... (errno: 28 "No space left on device") in /home/netzahm/xn--8dbjj4a3a.co.il/wp-includes/wp-db.php on line 2030
תהילים סה - תפילה
בית תהילים סה

תהילים סה

ע"י admin

תהילים פרק-סה

{א} לַמְנַצֵּחַ מִזְמוֹר לְדָוִד שִׁיר: {ב} לְךָ דֻמִיָּה תְהִלָּה אֱלֹהִים בְּצִיּוֹן וּלְךָ יְשֻׁלַּם נֶדֶר: {ג} שֹׁמֵעַ תְּפִלָּה עָדֶיךָ כָּל בָּשָׂר יָבֹאוּ: {ד} דִּבְרֵי עֲוֹנֹת גָּבְרוּ מֶנִּי פְּשָׁעֵינוּ אַתָּה תְכַפְּרֵם: {ה} אַשְׁרֵי תִּבְחַר וּתְקָרֵב יִשְׁכֹּן חֲצֵרֶיךָ נִשְׂבְּעָה בְּטוּב בֵּיתֶךָ קְדֹשׁ הֵיכָלֶךָ: {ו} נוֹרָאוֹת בְּצֶדֶק תַּעֲנֵנוּ אֱלֹהֵי יִשְׁעֵנוּ מִבְטָח כָּל קַצְוֵי אֶרֶץ וְיָם רְחֹקִים: {ז} מֵכִין הָרִים בְּכֹחוֹ נֶאְזָר בִּגְבוּרָה: {ח} מַשְׁבִּיחַ שְׁאוֹן יַמִּים שְׁאוֹן גַּלֵּיהֶם וַהֲמוֹן לְאֻמִּים: {ט} וַיִּירְאוּ יֹשְׁבֵי קְצָוֹת מֵאוֹתֹתֶיךָ מוֹצָאֵי בֹקֶר וָעֶרֶב תַּרְנִין: {י} פָּקַדְתָּ הָאָרֶץ וַתְּשֹׁקְקֶהָ רַבַּת תַּעְשְׁרֶנָּה פֶּלֶג אֱלֹהִים מָלֵא מָיִם תָּכִין דְּגָנָם כִּי כֵן תְּכִינֶהָ: {יא} תְּלָמֶיהָ רַוֵּה נַחֵת גְּדוּדֶיהָ בִּרְבִיבִים תְּמֹגְגֶנָּה צִמְחָהּ תְּבָרֵךְ: {יב} עִטַּרְתָּ שְׁנַת טוֹבָתֶךָ וּמַעְגָּלֶיךָ יִרְעֲפוּן דָּשֶׁן: {יג} יִרְעֲפוּ נְאוֹת מִדְבָּר וְגִיל גְּבָעוֹת תַּחְגֹּרְנָה: {יד} לָבְשׁוּ כָרִים הַצֹּאן וַעֲמָקִים יַעַטְפוּ בָר יִתְרוֹעֲעוּ אַף יָשִׁירוּ: (פ)